Kryesore

Basha nga Pogradeci: Do rrëzojmë ligjin e Ramës për shpronësimin e pronës


               Publikuar në : 12:21 - 12/02/19 |
b.f

Kryetari i Partisë Demokratike, Lulzim Basha, ndodhet sot në një takim me qytetarë dhe biznesmenë në qytetin e Pogradecit. Në takimin me ta Basha tha se: “Edi Rama nuk e ka lidhur fatin me ju. Edi Rama nuk ka mbajtur premtimet sepse ato nuk ishin premtime, nuk ishte program ekonomik. Ai votën e ka marrë me banditët, siç e tha edhe Zëri i Amerikës.16 shkurti do të rikthejë votën dhe do t’i japë fund grushtit të shtetit”.

Basha e quajti ligjin aktual të pronës i cili heq shpronësimin me vlerë tregu, si një ligj abuziv të qeverisë Rama

“Ne kemi çuar në Strasburg kundërshtimin për ligjin e pronave. Nuk duhet kërkuar nga opozita atë që ka në dorë qeveria. Të garantoj e kam thënë dhe po e përsëris, Ligji që ata kanë bërë për të hequr kompensimin me vlerë tregu, është rishpronësim. Atë që e bëri Enver Hoxha para 60 vjetësh, e bën edhe ky Ligj. Në do ta rrëzojmë këtë Ligj dhe ne do t’ju dëmshpërblejmë me vlerë tregu. Ky është qëndrimi ynë.”, tha Basha. Dl

 

Pas