Kronikë

Video/Të shpallur në kërkim për 246 kg kanabis, arrestohen dy vëllezërit



Bëhu pjesë e Grupit Zyrtar të Opinion.al
>> KËTU <<
               Publikuar në : 15:42 - 20/08/22 |
Opi Nion

Policia njofton se në kuadër të operacionit të koduar “Vallas”, në fazën e dytë të tij janë vënë në pranga dy vëllezër, të shpallur në kërkim si bashkëpunëtorë për kultivimin e 246 kilogramëve kanabis.

“Në vijim të punës për kapjen e personave të shpallur në kërkim si autorë të dyshuar të veprimtarive kriminale në fushën e narkotikëve, si dhe falë një pune të mirorganizuar të strukturave të Komisariatit të Policisë Shkodër, në bashkëpunim me Forcën e Posaçme “Shqiponja”, u finalizua operacioni policor i koduar “Vallas 2”, si rezultat i të cilit u kapën dhe u ndaluan shtetasit e kërkuar: -S. D., 34 vjeç dhe I. D., 26 vjeç (vëllezër), banues në fshatin Oblikë, Shkodër, për veprat penale “Prodhimi dhe shitja e lëndëve narkotike” dhe “Kultivimi i bimëve narkotike”, kryer në bashkëpunim. Nga veprimet hetimore ka rezultuar se këta shtetas, në bashkëpunim me 12 shtetas të tjerë (6 prej tyre të arrestuar, 6 të tjerë ende në kërkim) kryenin në fshatin Vallas, Shkodër, veprimtarinë e kundëligjshme të kultivimit të bimëve narkotike”, njoftoi policia.

Faza e parë e operacionit “Vallas”, është zhvilluar më 20 qershor, ku u arrestuan 6 persona.

“Si rezultat i kontrollit në banesën e njërit prej bashkëpunëtorëve të shtetasve të ndaluar S. D. dhe I. D., (shtetasit të arrestuar A. T.), në kuadër të operacionit policor të koduar “Vallas”, të zhvilluar më 20 qershor 2022, shërbimet e Policisë gjetën dhe sekuestruan në cilësinë e provës materiale, 246 kilogramë lëndë narkotike kanabis”, bëri me dije policia./Opinion.al

Pas