Kronikë

S’kishin dokumente ,bllokohen 2 mjete lundruese në Ksamil e Llaman,gjobiten pronarët



Bëhu pjesë e Grupit Zyrtar të Opinion.al
>> KËTU <<
               Publikuar në : 16:18 - 20/08/22 |
el ida

Dy mjete lunduese janë bllokuar ditën e sotme në plazhin e Ksamilit dhe Llamanit nga Policia Kufitare.

Sipas policisë, një mjet lundrues tip gomone, me drejtues shtetasin K. P., banues në Ksamil, është bllokuar në portin e Sarandës pasi nuk dispononte dokumentacionin përkatës.

Ndërsa një tjetër mjet lundrues tip skaf me drejtues shtetasin R. P, banues në Vlorë, i cili po ashtu, nuk dispononte dokumentacionin përkatës është bllokuar në portin e Himarës.

Po ashtu, dy shtetasit K.P dhe R.P janë gjobitur me 10.000 lekë të rinj secili për mungesë dokumentacioni.

Njoftimi i policisë

Vijojnë kontrollet nga Policia Kufitare, përgjatë gjithë vijës bregdetare, në kuadër të masave për rritjen e parametrave të sigurisë në plazhe.

Bllokohen 2 mjete lundruese, në plazhin e Ksamilit dhe Llamanit.

Ndëshkohen me masë administrative 10.000 lekë të rinj, secili prej drejtuesve të mjeteve lundruese.

Shërbimet e Policisë Kufitare në Sarandë, në vijim të kontrolleve, në kuadër të masave të marra për mbarëvajtjen e sezonit turistik, kanë konstatuar në plazhin e Ksamilit, një mjet lundrues tip gomone, me drejtues shtetasin K. P., banues në Ksamil, i cili nuk dispononte dokumentacionin përkatës dhe menjeherë është bërë shoqërimi dhe bllokimi i tij në portin e Sarandës.

Po në vijim të kontrolleve, shërbimet e Policisë Kufitare në Dhërmi, kanë konstatuar në plazhin e Llamanit, një tjetër mjet lundrues tip skaf, me drejtues shtetasin R. P, banues në Vlorë, i cili po ashtu, nuk dispononte dokumentacionin përkatës dhe menjeherë është bërë shoqërimi dhe bllokimi i tij në portin e Himarës.

Në bazë të ligjit nr.127, datë 15.10.2021, neni 14/1/b, të dy drejtuesit e mjeteve lundruese, shtetasit K. P dhe R. P, janë ndëshkuar me masë administrative 10.000 lekë të rinj secili, për mungesë dokumentacioni (në bord).

Policia Kufitare do të vijojë kontrollet me qëllim garantimin e rendit dhe sigurisë për pushuesit, gjatë sezonit turistik dhe fton qytetarët që të denoncojnë çdo rast paligjshmërie, në aplikacionin Komisariati Dixhital ose të telefonojnë në numrin pa pagesë 112, duke iu garantuar anonimatin, reagim të shpejtë dhe profesional./Opinion.al

 

 

Pas