-U tha në Opinion

VIDEO/Rama u afrohet gazetarëve, Fevziu i kërkon të mbajë distancë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:32 - 16/10/20 |
Al Do

Tema e inceneratorëve nxiti debate të forta në emisionin “Opinion” mes kryeministrit Rama dhe gazetarëve të ftuar në studio.

Në një pikë kryeministri zgjodhi të ngrihej në këmbë për të ilustruar imazhet që kishte sjellë për këtë temë.

Por në debat e sipër ai i afrohet gazetarëve në një distancë më të afërt se 1.5 metra, distancë kjo që është vendosur si e detyrueshme nga qeveria për studiot televizive, si masë kundër përhapjes së COVID-19.

Kryeministri dhe gazetarët ishin pa maska gjatë debatit dhe për këtë arsye drejtuesi i emisionit, Blendi Fevziu, i kërkoi kryeministrit që të ulej në karrigen e tij pasi nuk po respektonte distancën.

Nxitur nga akuzat e opozitës, se kontratat e konçesioneve janë korruptive, kryeministri u pyet për financimet e ulëta që kompanitë private kanë kryer në impiantin e Fierit në një kohë që shteti ka kryer në mënyrë të plotë pagesat.

Kreu i qeverisë tha se nuk ka mbaruar investimi. Ai u shpreh se shtyrja ka ndodhur për shkak të protestave dhe bllokimeve nga opozita. Megjithatë sipas tij projekti përfundon në fund të vitit./ Opinion.al

Pas