Aktualitet

Pjesë e trupës që dënoi Saimir Tahirin, gjyqtarja kalon vetingun


Bëhu pjesë e Grupit Zyrtar të Opinion.al
>> KËTU <<
               Publikuar në : 10:48 - 16/10/20 |
Al Do

Gjyqtarja Flora Hajredinaj e Gjykatës së Posaçme kundër Korrupsionit dhe Krimit të Organizuar është konfirmuar në detyrë nga Komisioni i Posaçëm i Kualifikimit.

Megjithëse trupa gjykuese e përbërë nga Brunilda Bekteshi kryesuese, Olsi Komici relator dhe Firdes Shuli anëtare, ngriti dyshime në seancën dëgjimore për pasurinë e Hajredinajt, ajo arriti të kalonte sot vetingun.

Komisioni i Pavarur i Kualifikimit ngriti dyshime për mundësitë financiare të gjyqtares dhe vjehrrit të saj për një dhuratë prej 40 mijë eurosh, ndërkohë që në seancë u debatua edhe mbi dy qëndrime të ndryshme të DSIK.

Hajredinaj ka një karrierë prej dy dekadash në sistemin e drejtësisë, ku ka punuar fillimisht si gjyqtare në Dibër dhe prej vitit 2003 në Gjykatën e Krimeve të Rënda. Me shkrirjen e kësaj gjykate si rrjedhojë e reformës në drejtësi, Hajradinaj kaloi te Gjykata e Posaçme kundër Korrupsionit dhe Krimit të Organizuar.

Ajo ka qenë pjesë e trupës dha vendimin për dënimin e ish-ministrit të Brendshëm Saimir Tahiri me 5 vjet burg dhe përfundimisht 3.4 vjet heqje lire për shkak të uljes së 1/3 nga gjykimi i shkurtuar, i cili u konvertua në shërbim prove. Ky vendim u prish më vonë nga gjykata e Apelit./ Opinion.al

Pas