Një skenë shqetësuese është parë në fushën e blertë në Turqi në përballjen e Super Ligës mes Besiktas dhe Gaziantep.
Rezultati ishte pa gola, kur Fabrice Nsakala, mbrojtësi i majtë i Besiktas, u rrëzua në minutën e 71-të me topin në anën tjetër të fushës.
Një lojëtar nga stoli i rezervave vrapoi në fushë për të ndihmuar Nsakala para se mjekët të mbërrinin në vendngjarje. Mbrojtësi kongolez u dërgua më pas në spital. Për fat të mirë, sipas një tuiteri të Besiktas, ai është i vetëdijshëm dhe vendimi për ta çuar Nsakala në spital është vetëm një masë paraprake.
“Fabrice Nsakala, i cili nuk mund të vazhdonte lojën për shkak të shqetësimit që përjetoi gjatë ndeshjes që ekipi ynë i futbollit luajti me Gaziantep FK, u dërgua në spital për një masë paraprake, por i vetëdijshëm. Shërohu shpejt @NsakalaFabrice”, shkruan klubi në tuiter./Opinion.al
https://www.youtube.com/watch?v=5Z_LS07u7zM&ab_channel=Raconntv
