Bota

7 afganë vdesin në turmë pranë aeroportit,talebanët: Shkak për kaosin SHBA


Bëhu pjesë e Grupit Zyrtar të Opinion.al
>> KËTU <<
               Publikuar në : 12:52 - 22/08/21 |
Opi Nion

Shtatë persona pranë aeroportit të Kabulit vdiqën të në turmë ndërsa përpiqeshin t’i afroheshin aeroportit për të lënë vendin. Kështu raporton Sky Neës, duke cituar një deklaratë të lëshuar këtë mëngjes nga Ministria Britanike e Mbrojtjes. Ministria nuk specifikoi nëse të gjithë viktimat vdiqën sot dhe as nuk zbuloi shkaqet e vdekjeve.

Një zëdhënës i ministrisë saktësoi se viktimat janë civilë afganë. “Kushtet në terren mbeten jashtëzakonisht sfiduese, por ne po bëjmë gjithçka të mundshme për të menaxhuar situatën në mënyrë sa më të sigurt”, thuhet në deklaratën e ministrisë.

Dje, sipas mediave, katër persona vdiqën në turmë jashtë aeroportit të kryeqytetit afgan.

Kaosi i këtyre ditëve në aeroportin e Kabulit është faji i Shteteve të Bashkuara, tha sot një zyrtar taleban. “Amerika, me gjithë fuqinë dhe pajisjet e saj, nuk ka arritur të vendosë rendin në aeroport. Ka paqe dhe qetësi në të gjithë vendin, por kaos ka vetëm në aeroportin e Kabulit”, ka deklaruar ai./Opinion.al

 

 

Pas