Aktualitet

VIDEO/ Kujtim Gjuzin e përzënë pasi shkon me benz te Teatri: Ik qërohu


               Publikuar në : 10:59 - 23/07/19 |
Al Do

Qytetarët në mbrojtje të Teatrit Kombëtar, të cilët kanë ndenjur gjatë gjithë natës përpara godinës, kanë përzënë dje deputetin Kujtim Gjuzi i cili ka shkuar atje rreth orës 3:20.

Artistët dhe qytetarët kanë vazhduar qëndresën e tyre dje pa ndërprerje përgjatë gjithë natës për të mbrojtur godinën e Teatrit Kombëtar. Sipas një postimi të publikuar në Facebook nga Aleanca për Mbrojtjen e Teatrit, deputeti i opozitës së re në parlament, Kujtim Gjuzi ka shkuar atje rreth orës 3 të mëngjesit, por kjo gjë është cilësuar si provokim nga protestuesit.

“Ik, shporru, qërohu, vjen me benz te sheshin e Teatrit, qërohu merr ato paret atje”- dëgjohet ti thonë protestuesit deputeti Gjuzi teksa ai largohet.

Qytetarët në mbrojtje të kauzës #Mbroteatrin kanë ndejtur dje gjithë natën përpara godinës për arsye se nuk kanë dashur që forcat e policisë të ndërhyjnë për bllokimin e godinës, e cila është vendosur nga qeveria për tu shembur. Më parë aty është prerë furnizimi me ujë dhe energjia elektrike dhe kjo gjë i ka shqetësuar edhe më shumë protestuesit.

“Pak trajtim për te padëshiruarit, armiqtë e Teatrit do marrin trajtimin qe meritojnë.”- shkruan Aleanca për Mbrojtjen e Teatrit, bashkëngjitur videos së shpërndarë në Facebook. /Opinion.al

Pas