Përfaqësuesi i Lirisë së Medias në OSBE, Harlem Desir i ka kërkuar kryeministrit Rama të rishikojë ligji Ligjin për Mediat Audiovizive në Shqipëri dhe Ligjin për Komunikimet Elektronike pasi ka mbivendosje kompetencash dhe paqartësi në formulimin e dispozitave.
Në një letër në formën e një rishikimi ligjor, Desir vlerëson ndryshimet e bëra në ligjin për mediat audiovizive dhe elektronike por thekson se “ende duhet të futen disa përmirësime në projektligje”.
Në letrën e tij drejtuar Kryeministrit të Shqipërisë, Désir theksoi disa çështje të mbetura që ende duhet të adresohen, të cilat ai rekomandon të ndryshojë në procesin legjislativ. Shqyrtimi Ligjor propozon, në veçanti, të modifikojë nenin 132/1, i cili i jep AMA-s kompetencën për të detyruar ofruesit e shërbimeve elektronike të botimit, të publikojnë një kërkim falje, heqjen e përmbajtjes ose futjen e një njoftimi pop-up në rastet e shkeljeve të dispozitave në veçanërisht në nenin e ri 33/1. Në këtë artikull, referimi ndaj “privatësisë dhe dinjitetit të qytetarëve”, i cili është i gjerë, i jep AMA-s fuqinë e re të madhe që mund të ndikojë në lirinë e shprehjes.
“AMA ose ndonjë organ administrativ apo rregullator nuk duhet të merret me çështjet e shpifjes, të cilat duhet të mbeten nën juridiksionin e gjykatave”, tha Désir.
Shqyrtimin ligjor ngre shqetësime rreth kompetencave të dhëna AKEP-it në propozimin për ndryshimin e Ligjit për komunikimet elektronike. Dispozitat lidhur me mbrojtjen e interesave të vendit, sigurinë publike, të drejtat themelore janë shumë të përcaktuara shumë gjerë dhe mund të jenë në kundërshtim me standardet ndërkombëtare të sigurisë juridike, proporcionalitetin dhe domosdoshmërisë dhe nuk përfshijnë rregulla specifike për mënyrën e sigurimit të mbrojtjes së lirisë së shprehjes.
Për më tepër, neni 133 i projektligjit ende i referohet gjobave ekonomike shumë të larta që do të vendosen në rastet e shkeljeve.
“Shpresoj që analiza ligjore, e cila përfshin një numër rekomandimesh, do të jetë e dobishme në diskutimet e mëtejshme. Zyra ime do të vazhdojë të jetë e përfshirë ngushtë në këtë proces, i cili duhet të jetë gjithëpërfshirës për të gjitha palët relevante për ta përfunduar atë”, përfundoi Desir.
Letrën e plotë mund ta gjeni KËTU /Opinion.al
