Kryeministri Edi Rama këtë të hënë ndodhet në zonat e përmbytura të vendit. Kreu i qeverisë po inspekton nga afër këto zona, për të parë dëmet që janë shkaktuar, duke nisur nga ura e Mifolit, që rezulton të jetë edhe zona më e prekur.
Në këtë zonë lumi Vjosa doli nga shtrati për shkak të prurjeve të shumta dhe përmbyti shumë toka dhe banesa. Deri tani mësohet se për shkak të daljes nga shtrati të këtij lumi janë përmbytur rreth 1 mijë hektar toka.
Situata është përmirësuar ditën e sotme. Në fshatrat Ferras dhe Levan të Fierit ka rënie të nivelit të prurjeve duke bërë që situata të qetësohet. Megjithatë, sipërfaqe të tëra toke bujqësore ndodhen nën ujë, por edhe aty vihet re ulje e nivelit të ujit./Opinion.al
