Kronikë

Video/Kishin kthyer lokalet në pika bastesh, 3 të arrestuar në Vlorë,çfarë u gjet


Bëhu pjesë e Grupit Zyrtar të Opinion.al
>> KËTU <<
               Publikuar në : 09:41 - 05/12/21 |
Opi Nion

Policia e Vlorës ka vënë në pranga 3 shtetas, të cilët i kishin kthyer ambiente e lokaleve në pika bastesh.

Gjatë operacion policor të koduar “Fati i lojërave”, janë sekuestruar dy kompjuter laptop, një printer, një Ipad, tre dekodera, dhe katër aparate telefoni celular.

Sipas uniformave blu, operacioni “Fati i lojërave”, është zhvilluar në vende dhe kohë të ndryshme, ku konkretisht:

U bë arrestimi në flagrancë i shtetasit  A.M.,25 vjeç, banues në Vlorë, pasi në lagjen “Pavarësia”, në ambientet e lokalit të tij “BAR-KAFE”, dyshohet se ushtronte aktivitet të paligjshëm të lojërave të fatit. Gjatë kontrollit  janë konstatuar disa pajisje elektronike, si një kompjuter laptop, një printer, një Ipad të cilat dyshohen se përdoreshin për lojëra të  palejuara dhe baste sportive, duke përfituar vlera monetare të pa deklaruar në organet tatimore.

U arrestua në flagrancë të shtetasit Xh.F.,25 vjeç, banues në Vlorë, sepse gjatë kontrollit të ushtruar në ambientet e lokalit të tij në lagjen “Pavarësia”, Vlorë, janë konstatuar tre dekodera, një kompjuter laptop dhe një aparate telefoni celular, të cilat dyshohen se përdoreshin për lojëra të palejuara dhe baste sportive.

Gjithashtu në pranga ka rënë edhe shtetasi D.B.,29 vjeç, banues në Vlorë, sepse gjatë kontrollit të ushtruar në ambientet e lokalit të tij në lagjen “24 Maj”, Vlorë,dyshohet se ushtronte aktivitet të paligjshëm të lojërave të fatit. Në vijim të veprimeve, gjatë kontrollit të lokalit u gjetën e sekuestruan  tre aparate telefona celular të cilat dyshohen se përdoreshin për vendosjen e basteve sportive.

Materialet hetimore i kaluan Prokurorisë pranë Gjykatës së Shkallës së Parë Vlorë, për veprime të mëtejshme./Opinion.al

Pas