Bota

Video/Kaos në avion,gruaja e zhveshur vrapon drejt kabinës së pilotit:Kam eksploziv



Bëhu pjesë e Grupit Zyrtar të Opinion.al
>> KËTU <<
               Publikuar në : 15:39 - 14/08/22 |
Opi Nion

Një ngjarje e pazakontë ka ndodhur në një avion gjatë fluturimit nga Lanark, Qipro në Mançester.

Një grua e zhveshur me të brendshme u përpoq dy herë të sulmonte kabinën e avionit duke thirrur “Allahu Akbar”.

Ka qenë babai i tre fëmijëve Phillip O’Brien, 35 vjeç, që ka ndaluar pasagjeren.

Phillip O’Brien, 35 vjeç, ishte nisur për pushime me familjen e tij, kur  pasagjerja u zhvesh me të brendshme dhe u përpoq të sulmonte kabinën e avionit, duke pretenduar se kishte eksploziv.

Ajo i pyeti fëmijët me të cilët po udhëtonte nëse ishin “gati të vdisnin”. Mendohet se gruaja, rreth të 30-ave, ka thënë se prindërit e saj ishin anëtarë të grupit terrorist Isis. Pas neutralizimit të pasagjeres nga 35-vjeccari O’Brien, piloti bëri ulje të detyruar në Paris.

35-vjeçari O’Brien, i cili ka punuar si roje sigurie gjatë kohës që ishte adoleshent, në momentin e incidentit ka qenë i shoqëruar nga gjashtë familjarë të tjerë, përfshirë bashkëshorten me tre fëmijët e tyre nga 8 deri në 14 vjeç.

Ai tha: “Gjithçka ishte normale dhe më pas pak pasi avioni u ngrit në ajër, një grua u ngjit në korridor me të brendshme dhe goditi derën e kabinës duke thirrur ‘Allahu Akbar’. “Siç mund ta imagjinoni, të gjithë u frikësuan. “Unë fola me stafin dhe i thashë, ‘Pse nuk e keni ndaluar?’.”Ata thanë: “Nuk jemi në gjendje”. “Kështu që kur gruaja shkoi përsëri në kabinë, unë mora kontrollin, e vendosa në tokë dhe në atë moment piloti bëri një ulje emergjente në Paris.”

O’Brien tha se e pyeti gruan pse po thoshte gjëra të tilla dhe ajo u përgjigj: “Nëse nuk do ta bëja, do të kishte një shpërthim dhe të gjithë do të vdisnin”./Opinion.al

 

 

 

Pas