Gjatë kësaj kohe janë duke u zhvilluar takimet e 8 kandidatëve për Kryetar të FRESSH në qytetet e Shqipërisë. Të ndodhur në Shkodër, njëri prej tyre, pikërisht Ermal Petushi ka “vënë në lojë” kandidatët e tjerë duke i pyetur se çfarë mendojnë për martesat brenda të njëjtit seks, legalizimit të prostitucionit dhe hashashit. Reagimet e tyre janë të shumë llojshme edhe pse janë pjesë e të njëjtin forum, forum i majtë. Petushi si për të ironizuar nivelin e debatit që bëjnë kandidatët e tjerë e ka publikuar këtë në faqen e tij në Facebook, nga ky deri tani, atë kanë parë 8 mijë persona.
Pyetja e tij ishte kjo:
Jetojmë në një rajon si Ballkani, me mentalitet lindor dhe në një vend si Shqipëria, që ka akoma shumë probleme. Por ne po garojmë për kreun e FRESSH dhe unë siç e thashë në fjalim, FRESSH nuk do prodhojë administratën e ardhshme por do jetë elita politike e 20 viteve të ardhshme. Një ndër sfidat që elita e ardhshme politike do ketë, do jetë që të japë disa përgjigje që ne duhet t’i japim Europës, janë disa pyetje që ndoshta nuk kanë shumë lidhje me aktualitetin e sotëm por kanë lidhje me 20 vitet e ardhshme. Unë sot, se më pëlqejnë sfidat, ndaj ju sfidoj pikërisht në Shkodër. Jam shumë kurioz, të di mendimin e secilit nga kandidatët për tri çështje:
- Martesat midis të njëjtit seks
- Legalizimi i Hashashit
- Legalizimi i Prostitucionit
Do doja një qëndrim konkret për secilën nga ato:
ELSAMED Mukaj në përgjigjen e tij është treguar shumë konservator duke i thënë “JO” të treja pikave.”Ne motrat tona i kemi kështu, të shtrenjta, dhe nuk mund të bëjmë kështu pyetjes ose të përdorim kështu termash” – ka thënë ai,
MARINELA Rukia dhe JONIDA Spaho kanë ndarë të njëjtin mendim duke mos preferuar ti përgjigjën kësaj pyetjeje.
ERJO Mile dhe SHPATI Kolgega kanë argumentuar duke ju afruar pak parimeve të majta. Për Mile duhet të bëhet ndryshimi i dënimit të trafikantëve të narkotikëve dhe përdoruesve.
Edhe ELJO Hyska gjithashtu është shprehur më afër të majtës, madje ka bëre edhe humor në fjalën e tij duke thënë se duhen hapur disa shtëpi publike në vendin tonë, por në jo qarkun e Shkodrës!
ANA Abdi nga ana tjetër ka “shokuar” me sinqeritetin në përgjigjën e saj. Përveç faktit që ajo nuk ishte e vëmendshme lidhur me pyetjet që ju drejtuan, ajo ka tha se vajzat ditët e sotme po prostituohen në mënyrë të fshehtë, kështu që më mirë të legalizohet.
Ajo çfarë vihet re është se asnjëri prej kandidatëve nuk u shpreh pro legalizimit të martesave të të njëjtës gjini.
