Politikë

Video/ Ish-deputeti i PD: Përfaqësuesi i Tom Doshit, firmos si delegat i Berishës


Bëhu pjesë e Grupit Zyrtar të Opinion.al
>> KËTU <<
               Publikuar në : 16:05 - 06/12/21 |
Opi Nion

Ish-deputeti i PD-së, Endri Hasa ka denoncuar ditën e sotme se Përparim Kolaveri, përfaqësuesi i Tom Doshit ka firmosur si delegat i ish-kryeministrit Berisha për Kuvendin e 11 Dhjetorit.

Në një postim në profilin e tij në Facebook, teksa denoncon faktin se e gjithë kjo po bëhet për të përçarë PD-në, ai thekson se Partia Demokratike në këto 8 vite ka dënuar ashpër influencën e grupeve kriminale në politikë.

Në 8 vite, Partia Demokratike ka dënuar ashpër influencën e grupeve kriminale në politikë dhe ka zhvilluar një betejë të hapur kundër përfshirjes së tyre në politikë duke miratuar dhe ligjin e dekriminalizimit. Është trishtuese që sot persona të skeduar si të lidhur me krimin dhe ortakët e Edi Ramës në masakrën zgjedhore, Aqif Rakipi dhe Tom Doshi, ndërhyjnë që të mbledhin firma për Sali Berishën. Një ndër ta është edhe Përparim Kolaveri, përfaqësues i Tom Doshit që firmos si delegat për datën 11 dhjetor. Është e qartë që përçarja e PD-së ështe interesi më i mirë i regjimit të Edi Ramës dhe bashkëpunëtorëve të tij non grata. Demokratët do të vazhdojnë betejën e  tyre kundër regjimit të Ramës  dhe tentakulave të tyre pranë PD-së. Demokratët kanë një dhe vetëm një kundërshtar, ai është Edi Rama dhe regjimi i tij”, shkruan Endri Hasa.

Pas