Bota

VIDEO/ I riu marokien mbërrin në Spanjë duke notuar me shishe plastike


Bëhu pjesë e Grupit Zyrtar të Opinion.al
>> KËTU <<
               Publikuar në : 18:10 - 21/05/21 |
Opi Nion

Në kohën kur janë shtuar përpjekjet e emigrantëve nga Maroku për të emigruar drejt vendeve perëndimore, kryesisht drejt Spanjës ajo çfarë ka tërhequr vëmendjen është rasti i një të riu i cili është filmuar duke mbërritur në brigjet e Spanjës duke notuar me anë të disa shisheve plastike.

Djali u bë pjesë e raportimeve të mediave ndërkombëtare pasi po lundronte me një bluzë të errët me shishe plastike nën rrobat dhe të bashkangjitura në krahët e tij duke qarë. I riu është kapur nga një ushtar spanjoll në plazhin El Tarajal para se të përpiqej të kalonte murin për të hyrë në qytet.

Ai ka thënë që preferon të vdesë sesa të kthehet përsëri në Marok, vend i cili nuk i sjell asnjë të ardhme. “Ai nuk donte të kthehej, nuk kishte familje në Marok, nuk i interesonte nëse do të vdiste nga i ftohti. Ai preferoi të vdiste, sesa të kthehej në Marok,” – u shpreh ushtari Rachid Mohamed al Messaoui, i cili përktheu fjalët e të riut.

Ushtarët e shoqëruan djalin që qante përmes portës për në zonën e sigurisë midis dy vendeve, së bashku me migrantët e tjerë. Një zëdhënës i ushtrisë në Ceuta tha se ai nuk kishte asnjë informacion mbi atë që i ndodhi djalit.

Ai ishte një nga rreth 8.000 emigrantet që tentuan të hyjnë në Spanjë këtë javë. Spanja ka vendosur trupa në Ceuta për të patrulluar kufirin me Marokun, ndërsa e cilëson këtë situatë si një krizë për Evropën./Opinion.al

 

Pas