Kanë dalë pamjet ku shfaqen dy kamarierë që dhunojnë në një lokal në lagjen nr.6 në Durrës, shtetasin maroken të identifikuar si Elmedi Nouak. Pas deklaratave në media të 29-vjeçarit që pretendonte se është dhunuar nga efektivët, ka reaguar më herët edhe Policia e Durrësit.
Blutë bëjnë me dije se marokeni me inicialet M.N, 29 vjeç, është dhunuar nga kamarieri E.V, 30 vjeç, i cili është shoqëruar në komisariat.
“Nga verifikimet e kryera, rezultoi se ky shtetas është dhunuar nga shtetasi E. V., 30 vjeç, banues në Durrës, i cili punon si kamarier në një lokal në lagjen nr 6, Durrës.
Shtetasi E. V., është shoqëruar në ambientet e komisariatit për sqarime të mëtejshme ku ka deklaruar se shtetasi maroken kishte shkuar me sy të nxirë, në gjendje të dehur në ambientet e lokalit ku ai punon duke shqetësuar klientët.
Pasi i ka kërkuar të dalë nga ambientet e lokalit ai e ka kundërshtuar duke e goditur, dhe për vetëmbrojtje e ka goditur edhe shtetasi E.V., duke i shkaktuar dëmtime.
Shtetasi E.V është proceduar penalisht nga ana e Specialistëve për Hetimin e Krimeve në Komisariatin e Policisë Durrës për veprën penale ‘‘Plagosja e lehtë me dashje“.
Gjatë ditës nga qytetarë të ndryshëm është telefonuar në Sallën Operative të DVP Durrës të cilët kanë njoftuar se një shtetas i huaj në vendin e quajtur “Sheshi Pranvera” është konfliktuar me kalimtarë të rastit.
Menjëherë ka shkuar Patrulla e Policisë, të cilët kanë konstatuar të njëtin shtetas nmaroken në gjendje të dehur dhe gjatë kontrollit të tij fizik i gjetën dhe sekuestruan në cilësinë e provës materiale një sasi të vogël lënde narkotike cannabis sativa. Shtetasi maroken u procedua penalisht në gjendje të lirë për veprën penale “Prodhim dhe shitje te lëndëve narkotikeve” deklaroi më herët policia./Opinion.al
