Bota

Video/I drejtoi armën në fytyrë zëvendëspresidentes së Argjentinës,arrestohet autori



Bëhu pjesë e Grupit Zyrtar të Opinion.al
>> KËTU <<
               Publikuar në : 09:28 - 02/09/22 |
Opi Nion

Një person ka tentuar të qëllojë me armë zjarri zëvendës/presidenten dhe ish-presidenten e Argjentinës. Ngjarja ka ndodhur jashtë shtëpisë së saj në Buenos Aires.

Cristina Fernandez de Kirchner ishte duke përshëndetur mbështetësit jashtë shtëpisë së saj kur një burrë doli nga turma dhe i drejtoi një pistoletë në fytyrë.

Presidenti Alberto Fernandez tha se arma ishte e mbushur me pesë plumba, por nuk u shkrep, duke bërë që zvendëspresidentja të mos lëndohet.

De Kirchner është në një gjyq korrupsioni dhe në kohën kur ndodhi incidenti ajo po kthehej nga gjykata.

Policia tha se personi i armatosur, që tashmë është arrestuar u identifikua si një brazilian 35-vjeçar. Ndërkohë autoritetet po përpiqen të zbulojnë motivin e sulmit.

Duke iu drejtuar kombit vonë natën e së enjtes, Fernandez tha: “Cristina mbetet gjallë sepse, për një arsye ende të pa konfirmuar teknikisht, arma, e cila përmbante pesë plumba, nuk shkrepi”.

Ai vazhdoi të dënojë sulmuesin dhe tha se kjo ngjarje ishte një nga incidentet “më serioze” që kur vendi u kthye në demokraci në 1983.

“Mund të mos pajtohemi, mund të kemi mosmarrëveshje të thella, por gjuha e urrejtjes nuk mund të ndodhë sepse ajo ushqen dhunë dhe nuk ka asnjë shans që dhuna të bashkëjetojë me demokracinë”, tha Fernandez.

Pamjet e shpërndara në mediat lokale treguan burrin i cili i drejton armën zvendëspresidentes dhe dukej se po përpiqej ta qëllonte. Më pas ajo ul kokën, por nuk pati asnjë të shtënë./Opinion.al

Pas