Aktualitet

Premtonte viza drejt Britanisë,i vihen prangat 32-vjeçares.Përfitoi mbi 16 mijë euro



Bëhu pjesë e Grupit Zyrtar të Opinion.al
>> KËTU <<
               Publikuar në : 09:54 - 02/09/22 |
Opi Nion

Një 32-vjeçare e cila mashtronte duke premtuar viza pune në Britani si dhe paketa turistike ka rënë në pranga nga policia. Uniformat blu bëjnë me dije se në kuadër të operacionit policor të koduar “Deceit”, është arrestuar K. H., 32 vjeçe, banuese në Tiranë.

Arrestimi i së resë ka ardhur pas kallëzimit nga shtetasit D. Sh. dhe A. Sh., të cilët kanë deklaruar se 32-vjeçarja, e cila administronte një agjenci turistike, me anë të mashtrimit, u kishte marrë atyre shumën e parave 16 700 euro me premtimin se do t’u siguronte viza pune në Mbretërinë e Bashkuar, si dhe paketa turistike.

Gjatë aksionit janë sekuestruar 11 pasaporta dhe blloqe me shënime të ndryshme.

“Finalizohet nga Seksioni për Hetimin e Krimit Ekonomik dhe Financiar në DVP Tiranë, operacioni policor i koduar “Deceit”.

Përvetësoi 16 700 euro, me anë të mashtrimit, vihet në pranga 32-vjeçarja.

Sekuestrohen pasaporta, policë sigurimi dhe blloqe me shënime të ndryshme.

Specialistët e Seksionit për Hetimin e Krimit Ekonomik dhe Financiar në DVP Tiranë, në bashkëpunim me Prokurorinë pranë Gjykatës së Shkallës së Parë Tiranë, në vijim të punës për goditjen e paligjshmërisë, bazuar dhe në informacionet e marra në rrugë operative, organizuan dhe finalizuan me sukses operacionin policor të koduar “Deceit”.

Në kuadër të këtij operacioni u bë arrestimi në flagrancë i shtetases K. H., 32 vjeçe, banuese në Tiranë.

Arrestimi i shtetases K. H. u bë pas kallëzimit nga shtetasit D. Sh. dhe A. Sh., të cilët kanë deklaruar se 32-vjeçarja, e cila administronte një agjensi turistike, me anë të mashtrimit, u kishte marrë atyre shumën e parave 16 700 euro, me premtimin se do t’u siguronte viza pune në Mbretërinë e Bashkuar, si dhe për paketa turistike.

Në cilësinë e provës materiale janë sekuestruar 11 pasaporta, policë sigurimi dhe blloqe me shënime të ndryshme.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.’- njoftimi i policisë./Opinion.al

 

Pas