Ka nisur futja e tifozëve në stadiumin “Air Albania”, aty ku do të zhvillohet ndeshja finale e Conference League, mes Romës dhe Feyenoord.
Teksa ndodhemi tre orë para ndeshjes për të pasur situatën në kontroll, është parë e arsyeshme të nisë që tani futja e tifozëve në stadium. Të parët që po hyjnë në ambientet e stadiumit janë tifozët holandezë.
Do të jenë fillimisht forcat e policisë që do të bëjnë kontrollin paraprak të tifozëve. Ata duhet të jenë të pajisur me biletën, ndërsa do të kontrollohen që të mos marrin me vete sende të forta si dhe monedha.
Ky është i pari event i përmasave të tilla që do të zhvillohet në Shqipëri. Ndërkohë policia ka marrë masa me efektivë të shtuar në terren për të siguruar mbarëvajtjen e ndeshjes.
KOMENTO (0)
