Aktualitet

VIDEO/ Denoncon kreu i VV, Abazi: Votat tona po i nxjerrin të pavlefshme


Bëhu pjesë e Grupit Zyrtar të Opinion.al
>> KËTU <<
               Publikuar në : 18:16 - 26/04/21 |
Opi Nion

Kandidati i pavarur i lëvizjes Vetëvendosja në Tiranë, Boiken Abazi në një deklaratë për mediat është shprehur se votat e kësaj force politike janë duke shpallur qëllimisht të pavlefshme.
Abazi ka folur nga KZAZ nr.38 në kryeqytet.

Ndër të tjera ai është shprehur që Vetëvendosja ka përgatitur ankesa për të gjitha këto problematike, të cilat do ti paraqesë në KAS.

Është duke ndodhur, edhe në këtë qendër votimi, ata vendosin me X një kuti të dytë, aty ku është votuar për ne, për t’i shpallur votat të pavlefshme. Numri i votave të pavlefshme po rritet me shpejtësi. Në bindjen tonë kjo rritet, sepse po i nxjerrin fletëvotimet të pavlefshme. Kandidati ynë, Kreshnik Merxhani, ka nxjerrë tani një video, ku shihet se si komisioneri vendos një X në fletën e votimit, ku ne besojmë për t’i shpallur ato të pavlefshme. Këta po vjedhin në bashkëpunim. Qartazi një pjesë është e lidhur drejtpërdrejt me PS. Nga informacionet që kemi nga vëzhguesit tanë, shumica janë me PS, por ka edhe me PD. Polica po keqpërdoret sërish, me urdhra të jashtëligjshëm, që ata po i zbatojnë, me frikën se mos i heqin nga puna. Ka pasur momente kur policia ka ndërhyrë fizikisht edhe ndaj meje.

Është shumë e rëndësishme që problematikat e këtij procesi të dalin në pah. Ne jemi këtu në një projekt afatgjatë, ky është vetëm hapi ynë i parë elektoral në Republikën e Shqipërisë. Këtu kemi mësuar se si këta e deformojnë votën drejtpërdrejt. Ka dhe një problematikë tjetër, dje procesverbali kishte 13 emrat në listë, ku unë jam i 13, ndërsa sot kishte vetëm 12, më kishin zhdukur. Kur u ankova, më thanë që të paraqes shkresën me shkrim. Kjo është situata në të cilën po zhvillohen këto zgjedhje në Shqipëri”, tha kreu i LVV.

I pyetur nëse situata vijonë kështu, a do ta njohin si të vlefshëm procesin e votimit, Abazi u shpreh:  E kuptoj pyetjen tuaj dhe jam dakord por është e rëndësishme të veprojmë sipas ligjit. Ashtu kemi vepruar gjatë gjithë fushatës. Është e rëndësishme që t’i dorëzojmë të gjitha ankesat në KAS dhe të kërkojmë pamje filmike dhe jo të mjaftohemi me ato që kemi bërë ne. Këtu po na thonë që nuk lejohen pamjet filmike ku unë nuk njoh asnjë kod ligjor që e ndalon këtë gjë. Të paktëve vëzhguesve tanë nuk ua lejojnë këtë gjë, nuk e di për të tjerët./Opinion.al

Pas