Kronikë

VIDEO/5 persona transportonin drogë me dy makina, policia i zbulon planin


Bëhu pjesë e Grupit Zyrtar të Opinion.al
>> KËTU <<
               Publikuar në : 17:19 - 02/07/20 |
Al Do

Një sasi droge që po transportohej nga Vlora drejt Tiranës është kapur sot nga policia në kuadër të operacionit të koduar “Segmenti”

Sipas burimeve zyrtare, oficerët e anti-drogës kishin arritur të zbulonin se disa shtetas po transportonin një sasi lënde narkotike nga Vlora drejt Tiranës.

Autorët po kryenin transportin me dy automjete. Një mjet tip Volkswagen “Pasat”, ku ndodheshin katëer vetë udhëtonte në një distancë 1 kilometër përpara një mjeti tip Volkswagen “Golf” ku ndodhej vetëm një person dhe e gjithë sasia e drogës që po transportohej.

Plani i tyre ishte që makina e parë të zbulonte nëse kishte kontrolle dhe të njoftonin drejtuesin e Golfit për çdo të papritur.

Por policia kishte rënë në gjurmë të këtij grupi dhe në aksin rrugor Kavajë-Durrës, në segmentin e quajtur “Plepat” kanë ndaluar në të njëjtën kohë të dy automjetet dhe kanë vënë në pranga 5 persona.

Konkretishtn u arrestuan: Abedin Llajaj, 33 vjeç, lindur në Vlorë dhe banues në Tiranë, Nertian Lamaj, 35 vjeç, lindur dhe banues në Vlorë, Aleks Mecorapaj, 47 vjeç, lindur në Vlorë, Ardit Petraj, 34 vjeç, lindur Fier dhe banues në Tiranë dhe Ervin Begaj, 38 vjeç, lindur e banues në Tiranë.

Gjatë kontrollit të ushtruar në automjetin tip “Golf” që drejtohej nga Abedin Llajaj, u gjetën dhe u sekuestruan rreth 20 kg marijuanë.

Gjithashtu u sekuestrua edhe automjeti tip “Passat” me drejtues Aleks Mecorapaj dhe pasagjerë Ervin Begajn, Ardit Petraj dhe Nertian Lamajn, i cili shërbente për të kontrolluar nëse kishte punonjës policie apo pika kontrolli në rrugë.

Gjatë kontrollit të ushtruar në banesën e Abedin Llajajt, u gjetën dhe u sekuestruan një sasi kokainë, disa fara cannabis sativa dhe një sasi ekstazi. /Opinion.al

Pas