Aktualitet

Vettingu, ambasadorja e SHBA: Shpresojmë që deputetët të lënë mënjanë politikën



Bëhu pjesë e Grupit Zyrtar të Opinion.al
>> KËTU <<
               Publikuar në : 10:08 - 10/02/22 |
Opi Nion

Pas konfirmimit të votës pro të PD për zgjatjen e afateve të organeve të vettingut, ka reaguar ambasadorja e SHBA në Tiranë, Yuri Kim.

Kim shkruan se deputetët do e lënë mënjanë politikën dhe do votojnë për zgjatjen e vettingut, ndërsa thekson se disa e kanë keqkuptuar duke e interpretuar si një çështje partiake.

Amendamenti për zgjatjen e vettingut del sot para Kuvendit. Disa e kanë keqkuptuar ose keqinterpretuar atë si një çështje partiake ose një ‘hile’. Në fakt, është një vendim i rëndësishëm që kapërcen politikën e përditshme. Shpresojmë që deputetët të lënë mënjanë politikën dhe të votojnë për Shqipërinë në Bashkimin Europian. Ne jemi me ju”, shkruajti Kim.

Partia Socialiste ka propozuar që afati të shtyhet deri në fund të vitit 2024. Zgjatja e afateve të Vettingut është kërkuar edhe nga ndërkombëtarët. SHBA dhe BE përmes një deklarate të përbashkët i kanë bënë thirrje deputetëve që të votojnë të gjithë pro këtyre ndryshimeve.

Duke qenë se për të miratuar shtyrjen e afateve të Vettingut duhet ndryshim të Kushtetutës nevojiten edhe votat e opozitës. Kjo e fundit në një reagim po gjatë orëve të mëngjesit të sotëm deklaroi se do të votojë pro zgjatjes së afatit të organeve të Vettingut./ Opinion.al

 

 

Pas