Kryetari i Partisë Demokratike, Lulzim Basha është shprehur se vendimi i tij për të përjashtuar ish-kryeministrin Sali Berisha nga grupi parlamentar, ishte i drejtë.
Basha tha në “Abc” se nuk do të lejojë Berishën të përdorë PD për interesat personale., ndërsa tha se nuk mund të “hedh poshtë” 16 vite bashkëpunim.
“Nëse i referoheni vendimit të DASH, qëndrimi im mbetet i njëjtë dhe nuk duhet askush nga demokratët ta komentojë. Sesi jemi ndjejë e kemi bërë të qartë. Vendimi është marrë pas një serie ngjarjesh dhe njihen qëndrimet e SHBA pas shpalljes së Berishës “non grata” dhe pozitës që u vendos PD. Ajo që kam thënë është formuluar me kujdesin maksimal, bindja ime, interesi as i Berishës dhe as Bashës nuk do të prevalojë mbi interesat e demokratëve dhe dua ta them, interesat e PD-së që është alternativa e vetme e këtij pushteti të korruptuar. Bindja im në lidhje me vendimin që kam marrë është që kam marrë vendimin më të vështirë por vendimin më të drejtë. Do të ishte më e lehtë të merrja vendime të tjera, por do të shkonin në dëm të PD-së dhe demokratëve dhe do të ishin më rënduese për Berishën” tha Basha.
Por cila është bindja e juaj, a ka kryer korrupsion Sali Berisha, ashtu sikur e akuzon SHBA?
“Unë nuk kam ndërmend të pështyu mbi asgjë të 16 viteve bashkëpunim me Berishën. Kemi pasur arritje të jashtëzakonshme për Shqipërinë, edhe problemet dhe gabimet tona” tha ai./Opinion.al
