Kronikë

Vdes në Rumani oficeri i kontaktit të Shqipërisë dhe gruaja e tij


               Publikuar në : 20:37 - 22/05/19 |
Opi Nion

Oficeri i Kontaktit të Shqipërisë në Rumani për Policinë e Shtetit, Ervin Dervina 41 vjeç, ka humbur jetën në një aksident automobilistik të ndodhur në shtetin rumun. Bashkë me të humbi jetën edhe bashkëshortja e tij rumune.

Ervin Dervina ishte Oficer i Kontaktit i Shqipërisë pranë Qendrës për Forcimin e Ligjit në Evropën Juglindore (SELEC).

Policia shqiptare, e cila ka konfirmuar këtë lajm, thotë se është në kontakt dhe po bashkëpunon me autoritetet rumune për të zbardhur shkaqet e këtij aksidenti të rëndë ku humbi jetën oficeri shqiptar dhe bashkëshortja e tij.

Njoftimi zyrtar

Sot në Rumani, si pasojë e një aksidenti automobilistik, ka humbur jetën Ervin Dervina, Oficer i Kontaktit i Shqipërisë pranë Qendrës për Forcimin e Ligjit në Evropën Juglindore (SELEC), si dhe bashkëshortja e tij, shtetase rumune. Policia e Shtetit shpreh dhimbjen dhe solidaritetin për familjarët e 41-vjeçarit dhe bashkëshortes, për humbjen e papritur dhe të parakohshme të të afërmve të tyre, si dhe është e angazhuar maksimalisht dhe në bashkëpunim të vazhdueshëm me autoritetet rumune për zbardhjen e shkaqeve të aksidentit/ Opinion.al

Pas