Aktualitet

Vdekja e 33-vjeçarit/ Si nisi zjarri në magazinë, çfarë bënë punonjësit


Bëhu pjesë e Grupit Zyrtar të Opinion.al
>> KËTU <<
               Publikuar në : 13:32 - 28/03/21 |
Opi Nion

Disa ditë pas ngjarjes së rëndë që ndodhi në magazinën e një qendre tregtare, ku fatkeqësisht humbi jetën 33-vjeçari Arjan Sala janë zbuluar detaje të reja.

Sipas News 24 nga hetimet e policicë  rezulton se zjarri dyshohet të ketë nisur si pasojë e një shkëndije elektrike nga një tel rrymëpercjelles që lidhej me një ndriçues.

Po ashtu mësohet se zjarri është konstatuar nga punonjësit e magazinës, të cilët po shkarkonin një kamion. Ndonëse ata kanë ndërhyrë me fikse dore për të fikur zjarrin, për shkak të materialeve të djegshme plastike vatra është riaktivizuar me i fuqishëm ku edhe ndërhyrja e zjarrfikësve ishte e veshtirë.

Paralelisht me dokumentimin e shkakut të zjarrit po hetohet nga ana e policisë dhe prokurorisë edhe për shkaqet e vdekjes se 33-vjeçarit Arjan Sala. Po verifikohet nese jane zbatuar si duhet masat kundër zjarrit ne objekt dhe për faktin nëse kanë qenë apo jo funksionale sinjalistikat dhe daljet e emergjences.

Zjarri në magazinën e qendrës tregëtare ra pasditen e së mërkurës, ndërsa roja, Arjan Sala hyri brenda godinës sapo dëgjoi aktivizimin e alarmit të zjarrit. Sipas dëshmisë së familjarëve ai shpëtoi disa punonjës por nuk mundi të dalë vetë

Trupi i 33 vjeçarit u gjet dje gjatë natës vetëm pas 50 orë kërkimesh nga forcat zjarrëfikse dhe policia./Opinion.al

Pas