Aktualitet

Rama-Bashës: S’ka sensin e përgjegjësisë, vë në rrezik njerëzit më besnikë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:09 - 28/03/21 |
Opi Nion

Kryeministri Edi Rama gjatë një takimi të zhvilluar këtë të dielë me të rinjtë në Kombinat në kuadër të fushatës elektorale të zgjedhjeve të 25 prillit sulmoi kundërshtarët duke thënë se me Partinë Demokratike humb dhe gjërat që ke.

Më tej kreu i qeverisë tha se sot vendi po përballet me dy sfida të mëdha sfidën e rindërtimit dhe atë të pandemisë, por sipas tij këto sfda nuk fitohen me kreun e opozitës Lulzim Basha.

“Ka dhe më keq se kaq se tramvajin s’e ke , por me PD-në humb dhe atë që ke. Sot ne kemi dy sfida të mëdha, kemi sfidën e rindërtimit, kemi dhe sfidën për të nxjerrë jashtë armikun e padukshëm. Kush do t’i fitojë këto sfida PD-ja me Lulin? Po Luli, ne kemi filluar vaksinimin masiv, Luli vijon infektimin masiv”, tha Rama.

 Kryeministri Rama vazhdoi me akuzat lidhur me takimet elektorale të liderit të opozitës. Ai tha se Basha mbledh njerëzit më besnuikë dhe i vë në rrezik.

 “Mbledh njerëzit e vet më besnikë dhe i vë në rrezik sepse nuk e ka sensin e përgjegjësisë sepse thjesht nuk do t’ia dijë, nuk i shkon. Njësoj si unë t’i thosha Belindës, ‘shiko, ta bëjmë më të fortë në Kombinat pa distanca, të mblidhet kush është me ne këtu dhe të krijojmë një qendër Covid pro’. Kjo është e turpshme, e papërgjegjshme dhe kjo flet shumë. Kjo flet për sensin e respektit që ke për njerëzit dhe kur ti nuk respekton as të drejtën e mbrojtjes së jetës së njerëzve më besnik nuk mund të jesh dot i besueshëm për asgjë tjetër”, tha Rama./Opinion.al

Pas