Aktualitet

Vaksina me detyrim për mësuesit? Fico: Shohim situatën dhe do veprojmë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:13 - 25/08/21 |
Opi Nion

Drejtoresha e ISHP, Albana Fico ka deklaruar se në vendin tonë vijon të mos ketë vaksinim me detyrim.

Sipas saj problem janë mjekët dhe arsimtarët që përpos mbrojtjes së vetes kanë detyrë të mbrojnë edhe komunitetin për të cilin punojnë.

Më tej ajo theksoi se Komiteti i Ekspertëve do të shohë situatën dhe më pas do të veprojë.

“Në Shqipëri vaksinimi nuk është i detyruar. Ka disa elementë si grupe dhe arsimtarë kanë për detyrë të mbrojnë edhe komunitete me të cilët ata punojnë. Ne nuk detyrojmë askënd. Por mund të kërkosh që të provojë statusin jo infektiv. Sa i përket çështjes së shkollave ndjekim me përgjegjësi dhe kemi në shqyrtim një protokoll për arsimimin. Ne shikojmë situatë epidemiologjike dhe do të vijojmë”, tha Fico.

Ndërsa Bino theksoi se rritja e rasteve është vënë re në të gjitha vendet e Ballkanit.

“Nuk është vetëm Shqipëria në vendin e nivelin e tretë. Janë të gjitha vendet e Ballkanit. Kjo ka ndodhur javës së që shkoi. Duket sikur është vetëm Shqipëria. Të gjitha vendet e Ballkanit kanë një rritje të infeksioneve që është e lidhur me sezonin veror. Ka një domethënie kjo gjë. Do ketë sërish vaksinim të hapur për të rritur numrin e vaksinimeve dhe për të ulur numrin e infektimeve. Politika e fushatës së hapur të vaksinimit bëhet për të ruajtur jetën e njerëzve”, tha Bino./Opinion.al

Pas