Një aksident rrugor është regjistruar mëngjesin e sotëm në vendin e quajtur “Mbikalimi i Patokut”, ku janë përplasur dy automjete. Si pasojë e përplasjes janë plagosur 6 persona.
Sipas policisë, 2 drejtuesit e mjeteve bashkë me 4 pasagjerë janë dërguar për të marrë trajtim në Spitalin e Traumës në Tiranë.
“Më datë 25.08.2021, rreth orës 09:30 , në vendin e quajtur “Mbikalimi i Patokut ” janë përplasur mjeti me drejtues shtetasin Xh.T., me mjetin me drejtues shtetasin R.M., ku si pasojë e përplasjes kanë marrë dëmtime dy drejtuesit e mjeteve dhe 4 pasagjerë, të cilët janë transportuar në spitalin e Traumës, Tiranë dhe ndodhen në kujdesin mjekësor”, njofton policia.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të aksidentit.
