Jeyza Gary është shfaqur në kopertinën e “Vogue Italia”. Ajo që e ben unike Jeyzan nga modelet e tjera, është fakti se ajo ka lindur me një çrregullim të rrallë që i shkakton rënien e lëkurës çdo 12 ditë.
“Kam lindur me lamellar ichthyosis. Është një çrregullim që prek 1 në 100 000 persona. Kur isha e vogël kisha një lëkurë shumë të shndritshme dhe shumë të tërhequr. Më vizituan kudo dhe pas disa muajsh më diagnostikuan”, tregon Gary.
Modelja tregon se e nisi karrierën në industrinë e modës dy vite më parë, e nxitur nga një shoqe e gjimnazit. Ajo i rekomandoi të bëhej modele, ndaj Gary nisi foto të saj në agjensi të ndryshme mode duke realizuar më vonë ëndrrën e jetës.
Modelja kujton gjithashtu sesi në ditën e parë të shkollës, mamaja e saj u fut në klasë për të sqaruar situatën e vajzës së saj për nxënësit, prindërit dhe mësuesit.
“Më tha të qëndroja krah saj përballë klasës dhe u tha të gjithëve që unë kisha një problem me lëkurën. U shpjegoi që isha si një gjarpër që çdo 10-12 ditë më binte lëkura. U tha gjithashtu që kjo gjë nuk ishte ngjitëse dhe se unë isha si gjithë të tjerët”, kujton Jeyza Gary/Opinion.al
