Bota

“Uria vret më shumë se koronavirusi”


Bëhu pjesë e Grupit Zyrtar të Opinion.al
>> KËTU <<
               Publikuar në : 17:02 - 09/07/20 |
el ida

Oxfam thotë se Covid-19 ka përkeqësuar krizën e urisë në vendet më të varfra të botës. Sipas raportit pandemia e koronavirusit mund të çojë në më shumë vdekje si pasojë e urisë sesa nga vetë infeksioni.

Organizata ndërkombëtare që mobilizon njerëzit kundër varfëris, raporton se rreth 12 000 njerëz në ditë mund të vdesin nga uria për shkak të ndikimit social dhe ekonomik të virusit.

“Ndikimi i Covid-19 është shumë më i madh sesa vetë virusi, pasi miliona njerëz nga vendet më të varfëra të botës do të zhyten edhe më tej në varfëri dhe do të vuajnë nga mungesa e ushqimit”, tha shefi ekzekutiv i Oxfam, Danny Sriskandarajah.

Në raport thuhet se papunësia masive, ndërprerja e prodhimit të ushqimit dhe ulja e ndihmave si pasojë e pandemisë mund të rrezikojë rreth 121 milionë persona këtë vit.

“Është shumë e rëndësishme që qeveritë të kontrollojnë përhapjen e sëmundjes, por qeveritë duhet që të parandalojnë edhe vdekjen e po aq njerëzve, për të mos thënë edhe më shumë, nga uria”, shtoi Sriskandarajah./Opinion.al

Pas