Gjykata Supreme e SHBA ka vendosur sot që Presidenti Donald Trump të depozitojë të dhënat e tij financiare dhe ato të hetohen nga prokurorët në New York. Ky vendim detyron shefin e Shtëpisë së Bardhë të publikojë deklaratat tatimore dhe të dhëna të tjera financiare që lidhen me të shkuarën e tij në biznesin familjar.
Presidenti Trump nuk ka ndjekur praktikën e kandidatëve të tjerë presidencialë, duke refuzuar të bëjë publike dokumentet tatimore gjatë fushatës së vitit 2016, është përpjekur të bllokojë publikimin e dokumenteve të tij financiare.
Rivalët shprehen se presidenti nuk po deklaron të vërtetën për sa i përket pasurisë, sigurimit të parave, bashkëpunimit me kompanitë e huaja, rreth mundësisë që mund të ketë kryer evazion fiskal, pastrim parash ose mund të ketë përfituar padrejtësisht nga lehtësirat e kodit tatimor.
Për këto akuza, prej vitit 2015 kur filloi fushatën për drejtimin e zyrës ovale, Trump është mbrojtur me justifikimin se bizneset e tij janë në auditim e sipër, ndaj nuk mund t’i publikojë të dhënat e kërkuara financiare.
Gjykatat e ulëta në qytetin e Nju-Jorkut më herët kanë gjykuar se kreu i shtetit duhet t’i bëjë të njohura raportet me firmat partnere por edhe llogaritë bankare në institucionet financiare shumëkombëshe me të cilat ka bashkëpunuar.
Ndërkohë, vendimi i Gjykatës Supreme është në favor të palës akuzuese pasi lejon ligjvënësit demokratë në Kongresin amerikanët që të hetojnë dyshimet e tyre ndaj Trump.
Gjykimi kundër presidentit do bënte që çështja të përdorej politikisht nga demokratët në fushatën në vijim për zgjedhjet kombëtare.
Për shkak të situatës së krijuar nga pandemia por edhe protestat kundër racizmit ndaj afroamerikanëve të përhapura në mbarë vendin, publiku amerikan mendohet se e ka humbur besimin te kreu aktual i shtetit.
Në sondazhet e fundit, republikani 74-vjeçar Trump qëndron aktualisht rreth 10 për qind poshtë demokratit 78-vjeçar, Xho Bajden./ Opinion.al
