Pasi rezultoi negativ për COVID-19, Presidenti i SHBA, Joe Biden ka ironizuar paraardhësin e tij, Donald Trump.
Presidenti amerikan, Biden vlerësoi rolin e vaksinave për kalimin lehtë të virusit dhe krahasoi veten me Donald Trump, i cili u dërgua në spital me helikopter.
“Thelbi është ky: kur paraardhësi im u infektua, e dërguan me helikopter në spital. U sëmur rëndë. Fatmirësisht, u shërua. Kur u infektova unë, vijova të punoja në Shtëpinë e Bardhë. 5 ditë kam punuar. Ndryshimin e bëri vaksinimi, sigurisht”,- tha 79-vjeçari.
