Politikë

U rizgjodh në krye të partisë, Kryemadhi: LSI u krijon mundësi të rinjve


Bëhu pjesë e Grupit Zyrtar të Opinion.al
>> KËTU <<
               Publikuar në : 15:19 - 23/11/20 |
Opi Nion

Monika Kryemadhi, pasi u rizgjodh ditën e djeshme kryetare e LSI, ka mbajtur sot një konferencë, ku theksoi se do të sjellë shpresën për qytetarët, duke larguar qeverinë Rama.

“Sot është vetëm fillimi. Ne jemi të vetëdijshëm për vështirësitë e mëdha që na presin, por ne jemi mësuar tashmë me vështirësitë, sepse ato kanë qenë sfida jonë, sepse ne prandaj jemi bashkë që të fitojmë mbi të gjitha sfidat që i kanë dalë përpara LSI-së. Dhe që të fitojmë mbi vështirësitë, ne duhet t’u ofrojmë shqiptarëve shpresën, atë shpresë që u mungon, atë shpresë e cila i është grabitur dhe vrarë nga qeveria pseudo rilindase.  Ne do të bëjmë të mundur që çdo shqiptar të ndihet në Shqipëri si në shtëpinë e tij”, tha Kryemadhi.

Kryemadhi u ndal duke dhënë mesazhe në mbështetje të figurës të gruas, duke qënë edhe vetë një grua nën drejtimin e një force politike.

“Unë sot jam shumë krenare për të gjithë ju, sepse më bëtë mua një grua e cila është udhëheqëse e një partie politike. Unë dua të dëshmoj se gratë jo mund, por dinë të drejtojnë dhe dinë të përballen me sfidat dhe vështirësitë që kalon çdo lider politik. Gratë i njohin betejat me të cilat përballen familjet e tyre çdo ditë dhe në një mënyrë më të plotë se kushdo tjetër. Gratë dinë të udhëheqin familjet e tyre, dinë të edukojnë fëmijët e tyre. Ato ditë të jenë edhe udhëheqëse të zonja, prandaj është e nevojshme që të kemi sa më shumë gra dhe vajza në politikë, në mënyrë të tillë që ato të jenë drejtuese për t’u përballur me sfidat dhe për të zgjidhur problemet që u kanë dalë shqiptarëve sot, në këto kushte mjaft të vështira.

Ne u krijojmë mundësi të rejave dhe të rinjve tanë. Ne u krijojmë shkollim të mirë dhe cilësor, në mënyrë të tillë që ata të gjejnë një vend pune të mirëpaguar, një vend pune në tregun e punës, në të cilin paguhen si të gjithë bashkëmoshatarët e tyre europianë. Ne u krijojmë mundësi të gjithë qytetarëve shqiptarë për të qenë qytetarë dinjitozë në shtëpinë e tyre që është Shqipëria, si çdo qytetar europian.

Unë e mora drejtimin e LSI-së në një kohë mjaft të vështirë për të, kur sapo kishim dalë në opozitë. Na është dashur të përballojmë sfida e vështirësi të mëdha. Por falë mbështetjes tuaj, falë angazhimit tuaj, ne ia dolëm. Ia dolëm duke fituar sfidën e parë me veten tonë”, tha ajo.

Silva Caka, Kryetarja e Komisionit të Zgjedhjeve në LSI, dje tha se Kryemadhi u konfirmua me 42 807 vota pro nga 44 413 vota që ishin gjithsej, duke marrë kështu me 96.3% mandatin e dytë në krye të kësaj partie./Opinion.al

Pas