Rajoni

U raportua se u kap me drogë, Shpat Kasapi shkarkohet nga…


Bëhu pjesë e Grupit Zyrtar të Opinion.al
>> KËTU <<
               Publikuar në : 15:45 - 28/12/20 |
Doriana Çepunaj

Pas lajmeve që kanë qarkulluar në mediat maqedonase se këngëtari Shpat Kasapi është kapur me kokainë, zv/kryeministri i Maqedonisë së Veriut, Artan Grubi ka shkarkuar nga detyra si këshilltar i tij, këngëtarin. Lajmin e ka konfirmuar  vetë Grubi për Klan Kosova.

Sipas mediave maqedonase, Shpat Kasapi është kapur me drogë para një muaji në lagjen “Gjorce Petrov” në afërsi të SP PLANET në Maqedoninë e Veriut. Gjithashtu, ato shkruajnë se këngëtari është arrestuar dhe ndaj tij është ngritur një padi, por më pas është liruar dhe pritet të gjykohet në liri.

Ndërkohë vetë këngëtari i hodhi poshtë lajmet se është arrestuar dhe kapur me drogë duke i konsideruar shpifje.

Ai publikoi në rrjetin social “Instagram” pamjet në një lokal në Tiranë.  Krahas videos këngëtari shkruan: “Në Tiranë për qejf, ju më nxorët në burg”./ Opinion.al

Pas