Aktualitet

U kap me armë e para pranë selisë së PS,gjykata lë në burg Vladimir Gjutën


Bëhu pjesë e Grupit Zyrtar të Opinion.al
>> KËTU <<
               Publikuar në : 12:00 - 13/02/20 |
Opi Nion

Këtë të enjte, Vladimir Gjuta doli para Gjykatës për vlerësimin e masës së arrestit, ku dëgjoi vendimin që e lë atë në burg.

Gjuta u arrestua më 10 shkurt, pranë selisë së Partisë Socialiste. Ai u ndalua nga punonjësit e Gardës, pasi dyshohet Gjuta tentoi të futej së selinë e PS i armatosur dhe me një shumë të konsiderueshme parash.

Ndërkohë, Prokuroria e akuzon Vladimir Gjutën për “Armëmbajtje pa leje”, “Prodhim, mbajtje, blerje apo shitje pa leje e armëve të ftohta” dhe “Pastrim i produkteve të veprës penale ose veprimtarisë kriminale”.

Pas lënies në burg të Gjutës, avokati i tij është shprehur se kërkesa e prokurorisë bazohej vetëm në faktin e sasisë së parave që kishte me vete. Avokati deklaron se paratë që kishte Gjuta në momentin e arrestimit, do i konvertonte në “Exchange” dhe për t’i përdorur më pas në biznesin e tij.

 “Ka mbrojtur pasurinë e vet, kështu e ka menduar ai. Me paratë ai pretendoi se paratë janë të ligjshme dhe i ka siguruar nga biznesi në Angli së bashku me familjarët. I duheshin për të krijuar një biznes, tregti me mallra amerikane. Prokuroria kërkoi arrest me burg vetëm për paratë e gjetura. Paratë do i thyente për biznesin e tij”, deklaroi avokati./ Opinion.al

Pas