Kronikë

U gjet i vrarë në rrugë, viktima me damarë të prerë dhe gjunjë të dëmtuar


Bëhu pjesë e Grupit Zyrtar të Opinion.al
>> KËTU <<
               Publikuar në : 09:42 - 23/05/21 |
Opi Nion

Detaje të reja kanë dalë nga ngjarja e ndodhur në qytetin e Elbasanit, ku mëngjesin e sotëm u gjet një person i pajetë në lagjen “Visarion Xhuvani”.

Raportohet se në trupin e pajetë janë vënë re goditje në majë të kokës, damarët e të dyja duarve të prera si dhe gjunjët me gërvishtje. Po ashtu, viktima është gjetur pa këpucë dhe zbathur.

Mësohet se pranë trupit të viktimës nuk është gjetur ndonjë thikë, e cila mund të hidhte dyshime për vetëvrasje. Në vendngjarje nuk janë gjetur njolla gjaku çka dyshohet se viktima pasi është vrarë është hedhur në rrugën ku u gjet.

Trupi i pajetë është transportuar për në morg ku po i nënshtrohet ekzaminimeve mjeko-ligjore. Ngjarja e rëndë u raportua në lagjen “Visarion Xhuvani”, por dyshohet se viktima nuk banonte aty, por në një lagje tjetër të Elbasanit. Identiteti i tij nuk është zbuluar ende./Opinion.al

Pas