Kronikë

U ekzekutua në Athinë, shqiptari akuzohej për 12 vrasje dhe 10 plagosje


Bëhu pjesë e Grupit Zyrtar të Opinion.al
>> KËTU <<
               Publikuar në : 21:26 - 30/05/21 |
Opi Nion

Ditën e sotme një 34-vjeçar shqiptar u ekzekutua me armë zjarri në Greqi teksa ndodhej në një lokal.

Mësohet se viktima është identifikuar si Aris Papas, ndërsa ende nuk është identifikuar autori që qëlloi tetë plumba mbi shqiptarin.

Shqiptari u kishte shpëtuar tre atentateve më parë në Greqi dhe lëvizte me anti-plumb duke iu trembur hakmarrjes së mundshme për larje hesapesh. Atentati i fundit iu bë në 26 shkurt të këtij viti nga dy persona që u arratisën me taksi.

Kush është e shkuara e Aris Papas?

Mediat grekeshkruajnë se Papas ishte anëtari kryesor i një bande mafioze shqiptare, e cila në dy vitet 2007-2008 dyshohet se ishte përfshirë në 12 vrasje dhe 10 plagosje.

34-vjeçari nga Shqipëria, i cili u ekzekutua sot në Athinë ka qenë akuzuar për përfshirje në një organizatë kriminale, grabitje dhe trafik droge. Më 20 korrik 2007, individë të panjohur ishin përpjekur ta vrisnin në qendër të Athinës, ndërsa më 26 maj 2019, ai u qëllua në stacionin e Larissas duke u plagosur rëndë. Atentati i fundit iu bë në shkurt të këtij viti” theksohet në artikull.

Banda e parë, ku 34-vjeçari bënte pjesë përbëhej nga 9 shqiptarë dhe e dyta nga 5 shqiptarë” vijon më tej shkrimi. “Disa anëtarë të këtyre organizatave kriminale janë burgosur, ndërsa ata që mbetën jashtë po vazhdojnë “hakmarrjen” vrasëse” thuhet në artikull ndër të tjera.

Lufta e përgjakshme mes bandave, disa nga krimet ku ishte përfshirë shqiptari sipas grekëve
Vrasja në 2008 në Keratsini
Vrasja e trefishtë në Kolonos në vitin 2007
Vrasje e dyfishtë në Athinë në 2007
Vrasje në një kafene në Keratsini në vitin 2008
Vrasje në vitin 2008, trupi u gjet në një zonë pyjore
Vrasje në vitin 2008 në Athinë
Vrasje e trefishtë në një kafene në 2008 në Agios Panteleimon
10 raste vrasjesh të mbetura në tentativë./Opinion.al

Pas