Gjykata e Tiranës i ka dhënë të drejtë Bashkisë së Tiranës për prishjen e Pallatit Nr. 4, të dëmtuar nga tërmeti në rrugën “Myslym Keta”,
Gjykata vendosi të rrëzojë pretendimin e PD e cila kishte depozituar kërkesën për të mos lejuar shembjen e pallatit.
Më herët, Instituti i Ndërtimit, i cili është institucioni që bën vlerësimin dhe ekspertizën teknike për sigurinë e një ndërtese rikonfirmoi se Pallati Nr.4 në rrugën “Myslym Keta” në Tiranë, paraqet rrezik të lartë për banorët dhe duhet shembur.
Të gjitha familjet e pallatit të dëmtuar përfitojnë shtëpi në apartamentet e reja në lagjen “5 Maji”, si dhe trajtohen prej disa muajsh me bonusin e qirasë deri në hyrjen në banesë.
