Bota

Twitter nuk i ndahet Trumpit, i fsheh postimin e rradhës


Bëhu pjesë e Grupit Zyrtar të Opinion.al
>> KËTU <<
               Publikuar në : 11:44 - 29/05/20 |
el ida

Vijon lufta mes presidentit amerikan, Donald Trump dhe Twitterit.

Rrjeti social ka fshehur një tjetër postim të presidentit Trump, duke thënë se shkel rregullat pasi “lartëson dhunën”. Postimi nuk është fshirë, por është mbuluar me një paralajmërim, i cili mund të shihet duke klikuar mbi të.

Paralajmërimi thotë se “Twitter ka përcaktuar se mund të jetë në interes të publikut që postimi të mbetet i dukshëm”.

Në postimin e tij, presidenti Trump paralajmëroi se ai do të dërgonte në Gardën Kombëtare dhe “të bënte punën e duhur” nëse kryebashkiaku Jacob Frey dështonte ta vinte qytetin nën kontroll.

Trazirat në Minneapolis nisën pas vdekjes së një personi me ngjyrë të paarmatosur në momentin që po arrestohej. George Floyd, 46 vjeç, humbi jetën të hënën. Pamjet filmike treguan një polic që i kishte vendosur gjyrin në grykë teksa ai kërkonte të mbushej me frymë.

Masa e Twitter vjen disa orë pasi presidenti amerikan nënshkroi një urdhër ekzekutiv që kërkon të heqë imunitetin ligjor ndaj rrjeteve sociale si Tëitter dhe Facebook për përmbajtjen që ato shpërndajnë, duke përshkallëzuar luftën e tij me këto kompani./Opinion.al

Pas