Kryesore

“Trajtimi i COVID deri në 600 mijë lekë”, Basha: Duhet rimbursim 100%


Bëhu pjesë e Grupit Zyrtar të Opinion.al
>> KËTU <<
               Publikuar në : 11:19 - 01/10/20 |
Al Do

Kreu i Partisë Demokratike, Lulzim Basha zhvilloi sot në Durrës disa takime me biznese dhe qytetarë, të cilët i pyeti lidhur me pasojat e krizës së pandemisë së koronavirusit.

Gjatë takimeve me bizneset një farmaciste tha se në varësi të gjendjes shëndetësore, sa ka agravuar sëmundja, çdo pacienti me COVID-19 i duhet të paguajë 500-600 mijë lekë të vjetra për ilaçet.

Shpenzimet për paketën e plotë të ilaçeve të COVID shkojnë deri në 600 mijë lekë”, ka theksuar ajo.

Nga ana tjetër nëse pacienti ka nevojë për oksigjen, farmacistja është shprehur se aparati i oksigjenit kushton 800 euro.

Nuk kanë mundësi ta blejnë, një aparat oksigjeni kushton 800 euro”, tha farmacistja.

Basha theksoi edhe njëherë planin e PD të rimëkëmbjes nga pandemia, pjesë e së cilit ishte edhe propozimi që çdo i sëmurë me Covid që trajtohet në shtëpi t’i rimbursohet 100% fatura e kurimit.

Në fjalën e tij për mediat, kryedemokrati Basha nënvizoi se kriza ka filluar të kafshojë qytetarët pasi fundi i shtatorit ka shënuar një rënie të thellë në ekonomi.

Ai ka akuzuar qeverinë se sipas tij nuk ka bërë asgjë për njerëzit, ndërsa i ka bërë thirrje kryeministrit Edi Rama që të zbatojë planin e PD për rimëkëmbjen dhe t’i lërë konferencat për shtyp.

“Sot kam ardhur për planin e rimëkëmbjes nga pandemia. Nuk ka të bëjë vetëm me çështjen e rindërtimit por me gjendjen në të cilën ndodhet vendi nga pandemia dhe goditjen që ka marrë. Sot dikush ka përgjegjësinë për t’iu përgjigjur këtyre njerëzve, jo më konferencë për shtyp por të tregojë çfarë plani ka sepse kriza ka filluar të kafshojë prapë. Fundi i shtatorit ka shënuar dhe një krizë më të thellë ekonomike. Cila është përgjigjja e qeverisë për këtë krizë. 0 përgjigje. Shumicën e kohës e harxhon duke iu përgjigjur planit tonë. Ftesa që kam sot është t’i japin fund propagandës dhe të marrin planin  tonë me 5 pika dhe ta aplikojnë”, tha Basha.

Sa i përket planit ai kërkoi “mbrojtje për mjekët dhe infermierët dhe rimbursim për ata që kurohen në shtëpi . Një i sëmurë me Covid  i shkon 1 milion vetëm për t’u kuruar. rimbursimi total i të gjithë të sëmurëve me Covid duhet të jetë hapi i parë. Ajo paga e premtuar për mjekët dhe infermierët duhet të aplikohet për të gjithë mjekët shqiptarë. Së dyti hapja e shkollave e ka rritur rrezikun e pandemisë. Maska dhe higjienizues falas për mësuesit dhe fëmijët. Çdo fëmijë të ketë mundësinë të mësojë në distancë. Tani vijmë te pjesa ekomomike. Rënia e konsumit është ankesa numër 1. Biznesi i vogël të marrë një mbështetje për muajt e ardhshëm, kjo do parandalojë në falimentimin e bizneseve. Paketa jonë me 5 pika është një plan kundër krizës dhe duhet zbatuar menjëherë. Çdo ditë që humbet kohë duke treguar retorikë është një ditë që rëndon më shumë xhepat e shqiptarëve dhe që shtrëngon më shumë lakun e  shqiptarëve“. /Opinion.al

Pas