Sport

Tirana i rikthehet fitores, Partizani mposht Vllazninë


               Publikuar në : 20:03 - 19/10/19 |
el ida

Tirana është rikthyer tek fitorja pas tri javësh me rezultat negativ në Kategorinë Superiore të futbollit. Bardheblutë mposhtën me rezultatin e ngushtë 2-1 kurbinasit në Selman Stërmasi, duke marrë kështu vendin e tretë në renditje pas Partizanit.

Dunga kaloi në avantazh skuadrën e Ardian Memës, në minutën e 4-t të takimit por Laçi nuk i la vendasit të gëzonin për shumë kohë pasi reaguan shumë shpejt dhe barazuan rezultatin me Nwabueze.

Goli që i dha fitoren Tiranës ishte Kale që fiksoi shifrat 2-1. Pjesa e dytë nuk solli asnjë ndryshim, me ekipin e Tiranës që për shumë minuta qëndroi në mbrojtje për të ruajtur rezultatin.

Ndërkaq Partizani ka marrë një 3 pikësh shumë të rëndësishëm në Shkodër, përballë Vllaznisë. William kaloi në avantazh i pari të kuqtë në minutën e 14 të pjesës së parë, ndërsa 4 minuta më vonë rikthehet barazimi me Krymin.

Ky rezultat zgjati deri në minutën e 90 të takimit atëherë kur erdhi dhe goli i avantazhit për “Demat” me anë të Cinarit.

Në ndeshjet e tjera të Superiores, Luftëtari barazoi me Bylisin 1-1, ndërsa Skënderbeu dhe Kukësi e mbyllën takimin me rrjeta të paprekura./Opinion.al

Pas