8 në njëmijë foshnja lindin me anomali të zemrës. Shkak mendohet se është lindja e femrave në moshë madhore dhe sitili i tyre i jetesës. Problemet kardiake të foshnjave ishin në qëndër të konferencë ndërkombëtare mbajtur në Tiranë ku morrën pjesë mjekë nga Europa.
Numri i të porsalindurve me probleme kardiake ka pësuar rritje. Sipas statistikave tetë në një mijë foshnja lindin me anomali të zemrës. Me qëllim trajnimin e mjekëve dhe informimin e tyre me metodat më të fundin të diagnostikimit lidhur me këto raste është zhvilluar në Tiranë një konferencë ndërkombetare ku morën pjesë mjekë nga Europa.
Eliona Demaliaj, Drejtore e Maternitetit Mbretëresha Geraldinë: Hapi i parë është njohja, diagnostikimi dhe pastaj trajtimi i këtyre anomalive. Trajnimi jonë dhe folja e këtyre problemeve bën që ne të ulim shumë incidencën e anomalive kardiake të lindura tek fetusi.
Sipas mjekëve rritja ka ardhur si pasojë e shtimit të mundësive por edhe lindja e femrave në moshë madhore dhe stili i tyre i jetesës.
Numilla Kuneshka, Kardiologe pediatre: Këta pacientë kardiopatë të cilët dekada më parë nuk e kalonin moshën pediatrike, nuk arrinin as në adoleshencë, sot këta janë bërë persona adult dhe janë në gjendje të krijojnë pasardhësit e tyre. Te këta pasardhës risku për të pasur kardiopati të lindura është më i lartë se në pjesën tjetër të popullsisë”
Mjekët thonë se diagnostikimi i hershëm i këtyre rasteve mund të ndihmojë ne menaxhimin me efektiv të anomalive teksa theksojne se nëse nuk ndërhyhet brenda dy javëve para të jetës foshnjat mund edhe të humbasin jetën./OraNews
