Në një treg që po zhvillohet vazhdimisht dhe ku konsumatorët kërkojnë gjithnjë e më shumë cilësi dhe besueshmëri në produktet e përditshme, rrjeti i drugstore-ve Rossmann & Lala po vijon strategjinë e tij të zgjerimit në Shqipëri, duke kombinuar rritjen e pranisë fizike me uljen e çmimeve në kategori të rëndësishme të kujdesit personal.
Prezent në Shqipëri që prej vitit 2008 si drugstore-i i parë në tregun shqiptar, Rossmann & Lala ka ndërtuar një zhvillim të qëndrueshëm ndër vite, duke u shtrirë sot me 48 pika shitjeje në Shqipëri dhe Kosovë dhe mbi 700 punonjës. Investimi i realizuar ndër vite ka tejkaluar 3 milionë euro, duke reflektuar angazhimin afatgjatë të kompanisë në zhvillimin e rrjetit dhe në krijimin e një eksperience të qëndrueshme për konsumatorët.
Si pjesë e strategjisë së saj të zhvillimit, kompania po vijon zgjerimin e pranisë në qytete të ndryshme të vendit, me hapjen e pikave të reja në Berat dhe Elbasan, duke e bërë më të lehtë aksesin e konsumatorëve në produkte të përditshme të kujdesit personal.
Paralelisht me këtë zgjerim, Rossmann & Lala ka ndërmarrë një proces rishikimi të çmimeve në kategori të përdorura çdo ditë, veçanërisht në produktet për kujdesin e trupit dhe flokëve. Ky hap është pjesë e një strategjie më të gjerë që synon të afrojë edhe më shumë produktet cilësore me konsumatorët dhe të forcojë marrëdhënien afatgjatë me klientin.
Një nga elementët që ka karakterizuar zhvillimin e Rossmann & Lala që prej hyrjes në tregun shqiptar ka qenë fokusimi i vazhdueshëm tek standardet gjermane të cilësisë. Produktet që ofrohen vijnë nga prodhues të certifikuar ndërkombëtarë dhe ndjekin standarde gjermane të njohura për siguri dhe besueshmëri.
Në vijim, kompania pritet të vazhdojë investimet në zgjerimin e rrjetit dhe në përmirësimin e përvojës së klientit, me synimin për të qenë gjithnjë e më pranë konsumatorëve dhe për të ofruar produkte cilësore me akses më të gjerë në tregun shqiptar.
