Aktualitet

Tërmeti në Tiranë/ Qytetarja: Kam qenë pa bukë se po laj borxhet e qirave


Bëhu pjesë e Grupit Zyrtar të Opinion.al
>> KËTU <<
               Publikuar në : 10:12 - 17/09/20 |
Opi Nion

Shumë familje ende vijojnë të përballen me vështirësitë e shkaktuara nga tërmeti tragjik i 26 nëntorit. Familja Alla është një nga familjet  e cila jeton në shtëpinë e dëmtuar nga tërmeti.

Bukurie Balla nga Kombinati tregon se së bashku me bashkëshortin e saj është detyruar të jetëjë në shtëpinë e cila u dëmtua në nëntorin e vitit të kaluar.

Gjatë një bashkëbisedimi me zëdhënësen e Partisë Demokratike, Ina Zhupa, ajo shprehet se asnjë ndihmë nuk i është dhënë nga pushteti vendor apo nga institucionet e pushtetit qendror.

PD thotë se askush nga komisionet e vlerësimit nuk ka ardhur për të vlerësuar gjendjen e shtëpisë së familjes Balla, duke e bërë jetën në shtëpi një ankth të përditshëm.

Bukurie Balla: Unë jam Bukurie Balla. Jam kombinatse, kam 20 vjet që jam martuar me plakun, edhe jetoj në një ditë më të vështirë. Tani edhe kjo puna e karantinës ishte me të mbyllur brenda. As erdhi kush me më ndihmuar, as këta të komunës. Edhe të vinte kryetari i komunës, të shkonte me makinë e shkonte shpërndante kurse unë me burrë plak s’më merr kush me më dhënë një bidon ujë. Për mua jo tërmet, jo gjë, për mua ishalla bie tani të vdesim që të dy se unë nuk e përballoj dot.

Ina Zhupa: Po shtëpia çfarë dëmesh ka, çfarë ju kanë thënë? Çfarë letrash ju kanë dhënë?

Bukurie Balla: Asgjë s’më kanë thënë. Ja se do vimë sot e do vimë nesër. Mua s’më kanë thënë asnjëlloj përgjigje, jo mua por as fqinjve këtu.

Ina Zhupa: Nuk ju kanë thënë çfarë dëmi ka shtëpia juaj?

Bukurie Balla: Kanë ardhur, i kanë parë maksimumi, por asnjë gjë s’më kanë dhënë. Vijnë, shikojnë dhe marrin kokën dhe udha e mbarë.

Ina Zhupa: S’ke asnjë letër?

Bukurie Balla: Asnjë gjë fare, as letër, as kurrgjë. Veç kanë bërë atë dhe asgjë. Unë nuk jam e zonja për ta përballuar fare më. Kam qënë pa bukë, hapni raftet e mia e shikoni, se po laj borxhet e qirave të dynjasë. Më mirë në shtëpinë time e di se vdes në shtëpinë time, do të vdes, të vdes.”/ Opinion.al

Pas