Bota

Tërmeti në Afganistan/Mbi 1000 persona të vrarë dhe 1500 të plagosur


Bëhu pjesë e Grupit Zyrtar të Opinion.al
>> KËTU <<
               Publikuar në : 12:28 - 22/06/22 |
Opi Nion

Tërmeti i fuqishëm në Afganistan ka vrarë rreth 1 mijë persona dh eka plagosur 1500 të tjerë ka thënë një zyrtar taleban për BBC.

Ky është tërmeti më vdekjeprurës që ka goditur Afganistanin në dy dekada.

Shefi i informacionit për provincën Paktika, Mohammad Amin Hazifi, i tha BBC-së se 1000 njerëz kanë vdekur dhe 1500 të tjerë janë plagosur.

Ekipet e shpëtimit janë ende në kërkim të personave të mbetur nën rrënoja shtoi ai.

Tërmeti goditi rreth 44 km (27 milje) nga qyteti juglindor i Khost, pak pas orës 01:30 me orën lokale (21:00 të martën GMT), kur shumë njerëz ishin në gjumë në shtëpi.

“Çdo rrugë që shkoni, dëgjoni njerëz që vajtojnë për vdekjen e të dashurve të tyre. Shtëpitë janë rrënuar,” tha një gazetar lokal në provincën Paktika të goditur keq për BBC.

Fotot tregojnë rrëshqitjet e dheut dhe shtëpitë e rrënuara të ndërtuara nga balta në provincën lindore të Paktikas, ku ekipet e shpëtimit po përpiqen të trajtojnë të plagosurit.

Tërmetet priren të shkaktojnë dëme të konsiderueshme në Afganistan, ku banesat në shumë zona rurale janë të paqëndrueshme ose të ndërtuara keq./Opinion.al

Pas