Me të mbërritur mbrëmja kanë nisur tensionet nëpër rrethe. Mbështetës të opozitës në Vaun e Dejës janë mbledhur para ambienteve ku është vendosur KZAZ-ja nr. 6 në një shkollë profesionale duke i vendosur zjarrin. KZAZ-ja ndodhet në shkollën profesionale ‘Ndre Mjeda’.
https://www.facebook.com/opinioni.al/videos/2523146081063805/
Strukturat e PD-së janë mobilizuar në zbatim të skenarit të opozitës për të bllokuar zgjedhjet në 30 Qershor duke ndjekur modelin e Shkodrës pak ditë më parë me përplasjet që kulmuan me zjarrin që iu vendos po një KZAZ-je në shkollë.
Ndërkohë në Shkodër kanë nisur protestat tek pallati i sportit “Qazim Dervishi”. Deri me tani protesta është paqësore. Ne fakt tek pallati i sportit ishte parashikuar KZAZ 2 por kjo KZAZ dhe KZAZ 3 qe ishte parashikuar tek shkolla “Shejnaze Juka” jane zhvendosur ne mjediset e shkollës “Arben Broci” për shkak te sigurisë. Pavarësisht kësaj zhvendosje opozita vijon protestën paqësore deri me tani tek pallati i sportit ne Shkodër e cila u paralajmërua qe ne orët e paradites se sotme.
Në Berat gjithashtu përfaqësues të Partisë Demokratike dhe Aleancës Qytetare kanë marshuar drejt KZAZ nr. 64. Duke mbajtur pankarta në duar, protestuesit i janë afruar KZAZ e cila është rrethuar nga forca të shumta policie. Raportohet se protestuesit po thërrasin njëzëri se “Nuk ka zgjedhje pa PD, Rama ik”. /Opinion.al
