Bota

Tensionet në SHBA/Trump thirrje protestuesve: Qëndroni paqësorë


Bëhu pjesë e Grupit Zyrtar të Opinion.al
>> KËTU <<
               Publikuar në : 21:38 - 06/01/21 |
Doriana Çepunaj

Në kohën kur turmat janë duke u përplasur me forcat policore në Kapitol, Presidenti Donald Trump u ka bërë thirrje mbështetësve të tij që të ruajnë qetësinë.

Trump thekson se protestuesit duhet të mbështesin policinë dhe zbatuesit e ligjit, pasi ata janë në anën e vendit.

“Jam duke kërkuar që të gjithë në Capitol të SHBA të qëndrojnë të qetë. Jo dhunë! Mos harroni, ne jemi Partia e Ligjit dhe Rendit – respektoni Ligjin. Faleminderit!

“Ju lutemi mbështesni Policinë e Kapitolit dhe zbatuesit e ligjit. Ata janë me të vërtetë në anën e vendit tonë. Qëndroni  të qetë!”, tha Trump.

Ndërkohë në një tjetër postim në Twitter Presidenti Trump ka kritikuar zv/presidentin në detyrë Mike Pence.

“Mike Pence nuk kishte guximin të bënte atë që duhej të ishte bërë për të mbrojtur vendin tonë dhe Kushtetutën tonë, duke u dhënë shteteve një shans për të vërtetuar një grup të korrigjuar të fakteve, jo ato mashtruese ose të pasakta, të cilave u kërkohej të vërtetonin më parë. SHBA kërkon të vërtetën!”, shkruan Trump./Opinion.al

Pas