Të shtëna me armë zjarri janë raportuar rreth orës 17:40 pranë rrethrrotullimit të Vorës. Sipas njoftimit të policisë, ka patur një konflikt mes dy personave që po lëviznin me një mjet Golf 5 dhe një shtetasi që lëvizte me një BMW.
Gjatë konfliktit, nga automjeti tip BMW dyshohet se u qëllua një herë me armë në ajër. Fatmirësisht nga ngjarja nuk ka persona të lënduar.
Policia ka shpallur në kërkim drejtuesin e BMW-së, ndërsa grupi hetimor ndodhet në vendngjarje dhe po punon për sqarimin e rrethanave.
Njoftimi i policisë:
Tiranë/Informacion paraprak
Më datë 24.09.2024, rreth orës 17:40, në afërsi të rrethrrotullimit të Vorës, ka patur një konflikt mes shtetasve A. G., 25 vjeç, E. L., 39 vjeç, të cilët lëviznin me një mjet “Volkswagen Golf 5”, dhe shtetasit J. L., 31 vjeç, që lëvizte me një mjet tip “BMW”.
Gjatë konfliktit nga automjeti tip “BMW” dyshohet se është qëlluar një herë me armë zjarri në ajër. Nga e shtëna me armë zjarri nuk ka persona të dëmtuar.
Shërbimet e Policisë po punojnë për kapjen e shtetasit J. L., ndërsa grupi hetimor ndodhet në vendngjarje dhe po punon për sqarimin e rrethanave të ngjarjes.
