Prej 20 ditësh qytetarët kanë protestuar kundër qeverisë dhe klasës politike në tërësi, përfshirë edhe opozitën.
Në tubimet qytetarët një nga shprehjet më të përdorura është “Rama në burg, Berisha në burg”, duke shprehur kështu pakënaqësinë e tyre kundër klasës politike që ka drejtuar vendin për më 36 vite.
Por, për Beishën kjo shprehje nuk është “autentike” e qytetarëve, por se është vet kryetari i Grupit Parlamentar i PS, Taulant Balla që ka nxitur qytetarët për të bërë këto thirrje.
“Unë dhashë një shpjegim, kjo është thjesht një thirrje e atyre që nuk u bënë dot opozitë për shkak të lidhjeve me qeverinë dhe bëjnë opozitën e opozitës. Për të mos thënë tjetrën, që dy ditë më parë, Taulant Balla Yaris deklaroi se ai është promotori i kësaj thirrje. Unë, natyrisht nuk impresionohem nga një thirrje e tillë, as nga përpjekja për të mbrojtur Edi Ramën duke përdorur emrin e Sali Berishës. Këto janë gjëra krejtësisht të parëndësishme në raport me gjigantin, me uraganin rinor qytetar. Dhe qëndrimi im ka qenë ndaj të gjithë demokratëve, që kurrë degëzat, gjethet nuk duhet të na pengojnë të shohim trungun madhështor të kësaj proteste.”
