InstaBIZ

Të sapomartuarit drejt ndarjes, këngëtari i njohur probleme me depresionin


               Publikuar në : 10:39 - 15/03/19 |
el ida

Justin Bieber dhe Hailey Baldwin, po kalojnë një periudhë të vështirë. Burime për Us Weekly janë shprehur se çifti i martuar prej vetëm muajsh, mund të shkojnë drejt ndarjes dhe shkaku është Justin Bieber.

“Ai ende ka nevojë dhe e do atë në jetën e tij, por kjo periudhë që po kalojnë është shumë e vështirë për të dy.”, tha një burim i afërt me çiftin.

Problemet me depresionin të këngëtarit po ndikojnë në jetën e tyre si çift dhe momentalisht gjërat s’po shkojnë ashtu siç pritej. Miqtë e tyre shprehen të shqetësuar për vazhdimësinë e kësaj martese duke thënë se ato kanë ende probleme që lidhen me besimin ndaj njëri tjetrit.

“Ajo nuk do ta lërë Justin dhe as ai. Ajo e ka përkrahur shumë gjatë gjithë këtij procesi”, tha një tjetër burim.

Edhe pse dyshja duken të vendosur të luftojnë dhe të mos heqin dorë nga njëri tjetri, fillimi i martesës duket se për ta nuk ka qenë aspak i lehtë.

Kujtojmë se Justin pak ditë më parë përmes një postimi në llogarinë e tij Instagram, u shpreh se kishte nevojë për lutjet tona, duke pranuar se kishte shumë vështirësi.

“Thjesht doja t’ju mbaja të informuar paksa rreth asaj që po kaloj. Kam hasur shumë vështirësi. Ndihem shumë i shkëputur nga bota dhe i çuditshëm. Shpeshherë bëj hapa pas, kështu që nuk jam i shqetësuar, thjesht doja t’ju kërkoja që të luteni për mua. Zoti është besnik dhe lutjet tona vërtet dëgjohen”, shkroi Justin./Opinion.al

 

 

 

 

Pas